हेटौंडा/ मकवानपुर जिल्ला भलिबल संघको अध्यक्षमा बसन्त कुमार सिटौला चयन भएका छन् ।
बुधबार संघका अध्यक्ष विन्द्रलाल श्रेष्ठको सभाध्यक्षता तथा भलिबल संघका केन्द्रिय उपाध्यक्ष कुमार राज सुवेदीको प्रमुख आतिथ्यतामा सम्पन्न पाचौँ अधिवेशनले सिटौलाको अध्यक्षतामा १३ सदस्यीय नयाँ कार्यसमिति चयन गरेको छ ।
संघको उपाध्यक्षमा ईन्द्रप्रसाद संजेल र चुँडा खड्का, महासचिवमा सन्तोष श्रेष्ठ, कोषाध्यक्षमा शंकर कार्की र कार्यसमिति सदस्यहरुमा मनोज लामा वाइवा, ईन्द्र बज्राचार्य, कमल बिडारी, सजिता पोखरेल, सिशम माझी, राजु घले र रञ्जन अमात्य चयन भएका हुन् ।
