विपन्न परिवार र कृषि क्षेत्रलाई प्राथमिकतामा राखेर मनहरी गाउँपालिकाकाले आगामी आर्थिक वर्षको नीति तथा कार्यक्रम सार्वजनिक गरेको छ ।

मकवानपुरको पश्चिम क्षेत्रमा रहेको यस गाउँपालिकाले बुधबार १५ औं गाउँसभामा सार्वजनिक गरेको नीति तथा कार्यक्रम अनुसार आगामी आर्थिक वर्ष २०८१/०८२ बाट गरिव तथा विपन्न परिवारलाई अन्तिम संस्कार (दाहसंस्कार/अन्त्येष्टि) का लागि आर्थिक सहयोग गर्ने जनाएको हो ।

गाउँपालिका अध्यक्ष रञ्जन कालाखेतीका अनुसार कतिपय विपन्न परिवारहरुमा आर्थिक अवस्थाका कारण काजक्रिया खर्चका लागि समस्या हुने गरेको पाइएपछि यस्तो नीति अवलम्बन गरिएको बताए ।

‘मानिसको मृत्य भएर अन्तिम संस्कारण गर्ने अवस्थामा पालिकाले केहि सहयोग गर्न सके ठूलो राहत मिल्नेछ । धेरै परिवारको कमाएर पाल्ने मान्छेकै मृत्युहुँदा ठूलो कष्ट व्यहोर्नु परेको हामीले देखेपछि त्यस्ता परिवारलाई सहयोग गर्ने नीति लिइएको हो ।’, उनले भने ।
पालिकाले आफ्नो क्षेत्रभित्र चल्ने सार्वजनिक यातायातमा विपन्न नागरिकलाई सहुलिएत दिने नीति लिइएको बताए । पालिकाको सिफारीस वा परिचयपत्रको आधारमा गरिब तथा विपन्न नागरिकलाई यातायात भाडा छुटका लागि सार्वजनिक यातायात व्यवसायीसँग सम्झौता गरिने बताए । ‘गरिव तथा विपन्न परिवारलाई मनहरीको लोथरदेखि हेटौंडा बजारसम्म आउजाउ गर्दा यातायात भाडामा पूर्णरुपमा छुट दिने व्यवस्था मिलइनेछ ।’, नीति तथा कार्यक्रममा भनिएको छ ।

उनले दुवै नीति कार्यान्वयका लागि आवश्यक तयारी भइरहेको बताए । ‘हामी कार्यविधि बनाएर यस कार्यलाई लागू गर्नेछौं ।’,उनले थपे । यस पालिका कृषि उत्पादनको हिसावले देशमै चर्चित पालिका हो ।
(हेडम्वा न्युजबाट)