पढाइलाई उमेरले छेक्दैन भन्ने उदाहरणलाई स्थापित गर्दै मनहरी गाउँपालिकाका १ नम्बर वडा अध्यक्ष शिवप्रसाद खनाल कक्षा १२ को परिक्षामा उत्तीर्ण भएका छन् ।
राष्ट्रिय परिक्षा बोर्डले सार्वजनिक गरेको कक्षा १२ को नतिजामा ५२ वर्षीय खनाल पनि उत्तीर्ण भएका हुन् ।
वडा अध्यक्ष खनालले आफ्नो छोराछोरीको उमेरका बालबालिकाहरुसँगै पठनपाठन गर्दै जीवनको यो उमेरमा समेत पढाइलाई निरन्तरता दिएका छन् ।
उनले २.४१ जीपीए प्राप्त गरेका छन् । यसभन्दा अगिल्लो वर्ष कक्षा ११ को परीक्षामा पनि २.५३ जीपीए प्राप्त गरी उत्तीर्ण भएका थिए ।
