मनहरी गाउँपालिकाले कक्षा १२ को परिक्षामा उतिर्ण मनहरी गाउँपालिकाका १ नम्बर वडा अध्यक्ष शिव प्रसाद खनाललाई सम्मान गरेको छ ।
५३ वर्षिय खनाललाई बिहिबार एक कार्यक्रमकाबीच गाउँपालिकाले सम्मान गरेको हो ।
पढाईलाई उमेरले छेक्दैन भन्ने उदाहरण बनेका वडाअध्यक्ष खनालले केहिसमय अघि सार्वजनिक भएको परिक्षाफलमा २.४१ जिपिए प्राप्त गरी उतिर्ण भएका थिए ।
सम्मान कार्यक्रममा बोल्दै गाउँपालिका अध्यक्ष रन्जन कालाखेतीले वडा अध्यक्ष खनाल सबैका लागि प्रेरणाको श्रोत बनेको जिकिर गरे । खनालको मिहिनेतले गाउँपालिकालाई राष्ट्रिय रुपमा चिनाउन सफल भएको भन्दै कालाखेतीले धन्यवाद उनलाई धन्यवाद दिए ।
कार्यक्रममा सम्पुर्ण कार्यपालिका परिवार र कर्मचारीहरुले वडाअध्यक्ष खनाललाई खादा र अबिरले सम्मान गरेका थिए ।
