मकवानपुर जिल्ला लिग फुटबल प्रतियोगिता एकहप्ता पछि धकेलिएको छ ।
भदौ ७ गतेबाट हुने भनिएको प्रतियोगिता झरी वर्षाकाका कारण मौसम अनुकुल नरहेको भन्दै एकहप्ता पछि सारिएको हो ।
बुधबार बसेको जिल्ला लिग आयोजक संस्था मकवानपुर जिल्ला फुटबल संघको आकस्मिक बैठकले लिग भदौ १४ गतेबाट गर्ने निर्णय गरेको छ ।
९ गतेसम्म टिम दर्ता, १० गते खेल तालिका सार्वजनिक र १४ गतेबाट लिग आयोजना गर्ने निर्णय भएको फुटबल संघका उपाध्यक्ष युवराज लामाले जानकारी दिएका छन् ।
