मकवानपुरको सिस्नेरीमा पहिरोमा परी मृत्यु भएकाहरुको सम्झनामा मोर्डन युथ क्लबले दीप प्रज्वलन गरेको छ ।
मंगलबार साँझ मनहरी गाउँपालिका-१ स्थित मकरीमा भेला भएका क्लबका पदाधिकारी, सदस्य, जनप्रतिनिधि एवम् सर्वसाधारणले गत शनिबार पहिरोमा पुरिएर ज्यान गुमाएका अखिल नेपाल फुटबल संघ (एन्फा) एकेडेमीका ६ खेलाडीहरुको सम्झनामा दिप प्रज्वलन गरेका हुन् ।
दिप प्रज्वलन गर्दै मनहरी-१ का वडा अध्यक्ष शिवप्रसाद खनालले पहिरोमा पुरिएर ज्यान गुमाएका अनुपम घलान, साईमन योन्जन, दिवस बानिया, आदित्य बलपाकी, रियान्स आचार्य र बिकल रेग्मीको आत्माको चिरशान्तिको कामना गर्दै श्रद्धाञ्जली समेत अर्पण गरे ।
