जेसीआई हेटौंडा वर्ष २०२५ को लागि अध्यक्षमा पंकजदास बानिया विजयी भएका छन् ।
शनिबार हेटौंडामा सम्पन्न जेसीज हेटौंडाको शाखा अधिवेशन तथा निर्वाचन कार्यक्रमबाट ९२ मत प्राप्त गर्दै बानिया अध्यक्षमा विजयी भएका हुन् ।
उनका निकटतम प्रतिस्पर्धी विवेक आनन्द न्यौपानेले ८८ मत प्राप्त गर्दै पराजय व्यवहोर्नुपरेको छ ।
निर्वाचन समितिका अनुसार १ सय ९९ मतदाता रहेकोमा १ सय ८० मत मात्रै खसेको थियो । जसमध्ये अध्यक्ष पदको मतगणनाको अन्तिम नतिजा अनुसार बानियाले ९२ र न्यौपाले ८८ मत पाएका हुन् ।
अध्यक्षको मतगणना सकिए लगत्तै कार्यकारिणी उपाध्यक्ष र उपाध्यक्षहरुको मतगणना सुरु गरिने निर्वाचन समितिले जनाएको छ ।
