नेपाल राष्ट्रिय मारवाडी युवा संगठन अन्तर्गतको मारवाडी युवा मञ्च हेटौंडाद्वारा आयोजित रक्तदान कार्यक्रममा २० जनाले रगत दिएका छन् ।
शुक्रबार मारवाडी युवा दिवसको अवसरमा नेपालभरी २० ठाउँमा रक्तदान कार्यक्रम आयोजना गरिएको थियो । जसमा कुल ७ सय ३८ जनाले रगत दिएको मारवाडी युवा मञ्च हेटौंडाका महासचिव सुशान्तराज चनानीले जानकारी गराए ।
मारवाडी युवा मञ्च हेटौंडाका पूर्व अध्यक्ष राजेश कुमार अग्रवालको सभाध्यक्षता तथा कार्यक्रम संयोजक राहुल शर्माको संयोजनमा भएको रक्तदान कार्यक्रममा मारवाडी एसोसिएसन मकवानपुर, मारवाडी महिला मञ्च मकवानपुरको कार्यसमितिलगायतको उपस्तिथि रहेको थियो ।
