विपदजन्य घटनामा उद्दारका लागि मनहरी गाउँपालिकाले ६ नम्बर वडामा रहेको सशस्त्र प्रहरीको कत्लेखोला सुरक्षा बेसक्याम्पलाई आवश्यक उद्दार सामाग्री हस्तान्तरण गरेको छ ।
मंगलबार गाउँपालिकाकी उपाध्यक्ष सीता पुलामी मगर, प्रमुख प्रशासकीय अधिकृत रमेश सुवेदीलगायतले सुरक्षा बेस क्याम्पका असई हरि भवन महतोलाई सामाग्री हस्तान्तरण गरेका हुन् ।
हस्तान्तरिक सामाग्रीहरुमा ट्युब २ थान, फरुवा ३, फाइटर गन २ थान, लाइफ ज्याकेट ५ थान, गम बुट ९ जोर, प्राथमिक उपचार बक्स, स्टेचर, सेफ्टी हेलमेटलगायत रहेका छन् ।
प्राकृतिक वा अन्य विपतिको घटनामा उद्दारमा लाग्न सहजताका लागि सशस्त्र प्रहरीलाई उद्दार सामाग्री सहयोग गरिएको गाउँपालिकाकी उपाध्यक्ष मगरले जानकारी दिइन्।
प्रतिकृया दिनुहोस्
